परिचय

यो  Paramyxovirus, genus Morbillivirus बाट हुने अति संक्रामक सरुवा रोग हो । खोपबाट बचाउन सकिने रोगहरूमध्ये दादुरा रोगले बालबालिकाको बढी मृत्यु गराउँछ । कुपोषित बच्चाहरूमा यो रोग लागेमा मृत्यु हुने सम्भावना बढी हुन्छ ।

सर्ने तरिका
·  रोगीले हाच्छ्यूँ गर्दा, खोक्दा र रोगीसँगको प्रत्यक्ष सम्पर्कमा आउने व्यक्तिलाई सर्दछ,
·  यो रोगको भाइरस धेरैजना जमघट हुने वा भीड हुने स्थानहरूमा एक अर्कामा सर्न सक्दछ ।

चिन्ह र लक्षणहरू
·  रोग सरेको २-४ दिनपछि ज्वरो आउने (१०३० देखि १०५० फ.), खोकी लाग्ने, रुघा लाग्ने, आखाँ रातो हुने, आँशु बग्ने आदि ।
·  ज्वरो आएको २-४ दिनपछि अनुहार तथा शरिरमा साना साना राता विविरा आउने ।
·  विविराहरु ५-६ दिनसम्म रहन्छन् र क्रमशः हराएर जान्छन् ।
·  दादुराको जटिलताको रुपमा कान पाक्ने, झाडापखाला, कडा कुपोषण र निमोनिया हुनसक्छ र यसबाट रोगीको मृत्यु समेत हुनसक्छ ।

उपचार तथा रोकथाम
दादुरा रोगको उपचार हुँदैन । यसबाट हुने जटिलताको कारणले लागेको रोगअनुसार उपचार गर्नुपर्दछ । दादुरा रोग लागेमा २ मात्रा भिटामिन ए दिनुपर्दछ ।
रोकथाम
·  दादुरा रोग विरुद्ध लगाइने खोपले दादुरा रोगबाट बच्न सकिन्छ ।
·  नेपालमा दादुरा तथा रुबेला दुबै मिश्रित (दादुरा रुबेला)  खोप उपलब्ध छ । जुन बच्चाको उमेर ९ महिना पूरा भए देखि १५ महिना भित्र २ पटक लगाउनु पर्छ ।
·  बिरामीलाई अरु केटाकेटीको सम्पर्कबाट टाढा  राख्ने ।